Ձյուբան աջակցել է Թիկնիզյանին

«Ակրոնի» հարձակվող Արտյոմ Ձյուբան, ով նախկինում հանդես է եկել «Լոկոմոտիվում», կարծիք է հայտնել իր Նաիր Թիկնիզյանի մասին, որը քննադատել է մոսկվացիների գլխավոր մարզիչ Միխայիլ Գալակտիոնովին: Հայաստանի հավաքականի պաշտպանը Գալակտիովին մեղադրել էր ֆուտբոլիստների հետ վատ հարաբերություններ ունենալու մեջ:

«Հարցազրույցը հատվածներով եմ դիտել։ Հերիք է համբերել։ Նաիրը վաղուց էր ասում, որ բարձրաձայնելու է ամեն ինչ։ Ես նրան միշտ ասել եմ, որ իրերը պետք է իրենց անուններով կոչել։

Դեռ «Սպարտակի» ժամանակներից էի ասում, երբ շատերը հեռանում են ու հայտարարում. «Դե հիմա այնպիսի հարցազրույց կտամ, այնպիսի բաներ կասեմ...»։ Բայց ոչ մի անգամ ոչ մեկը ոչինչ չասաց։

Դուք պետք է տեսնեիք, թե նրանք ինչպես են խոսում «խոհանոցներում»։ Իսկ հետո լսում ես, թե մարդիկ ինչ են ասում հանրության առաջ. բոլորն այնքան լավն են, այնքան հրաշալի։ Դրանից ուղղակի սրտխառնոց ես ունենում»,- ռուս ֆուտբոլիստի խոսքն է մեջբերում РБ Спорт-ը: