Տոտենհեմը դիտարկում է մարզչի փոփոխություն՝ նշանակումից 4 խաղ հետո

«Տոտենհեմը» սկսել է լրջորեն դիտարկել նորանշանակ գլխավոր մարզիչ Իգոր Տուդորի պաշտոնանկությունը։ Այդ մասին գրել է BBC-ն:

Երեկ լոնդոնյան ակումբը Մադրիդում 2:5 հաշվով պարտվել է «Ատլետիկոյին» և զգալիորեն նվազեցրել Չեմպիոնների լիգայի քառորդ եզրափակիչ դուրս գալու շանսերը: Անգլիական թիմը 6 անընդմեջ պարտությունների շարք ունի, ինչն ակումբի պատմության հակառեկորդն է: Այդ պարտություններից 4-ը գրանցվել են խորվաթ մասնագետի նշանակումից հետո:

Պրեմիեր լիգայում «Տոտենհեմը» մոտ է վտանգավոր գոտուն։ Առաջնության ավարտից 9 տուր առաջ լոնդոնցիներն ընդամենը 1 միավորով են առաջ անկումային գոտուց: