Աստոն Վիլան ու Պորտուն հաղթեցին, Բետիսը պարտվեց, իսկ իտալական թիմերի դիմակայությունն ավարտվեց ոչ-ոքի (տեսանյութ)

Կայացան Եվրոպա լիգայի 1/8 եզրափակիչի առաջին դիմակայությունները։

«Աստոն Վիլան» հյուրընկալվել էր «Լիլին» ու հաղթեց նվազագույն հաշվով։ Հանդիպման միակ գոլը հեղինակեց Օլե Վոտկինսը՝ 61-րդ րոպեին։

«Պորտուն» մրցակցի հարկի տակ 2։1 հաշվով առավելության հասավ «Շտուտգարտի» նկատմամբ։ Տերեմ Մոֆիի (21') ու Ռոդրիգո Մորայի (27') խփած գոլերին պատասխանեց Դենիս Ունդավը (40'):

Բոլոնյան ու Ռոման հաղթողին չպարզեցին՝ 1։1․ Գոլերն իրենց անվան դիմաց գրանցեցին Ֆեդերիկո Բերնարդեսկին (50') ու Լորենցո Պելեգրինին (71'):

«Ռեալ Բետիսն» էլ նվազագույն հաշվով զիջեց «Պանաթինայկոսին»։ Վիստենտե Տաբորդան, դիպուկ իրացնելով 11-մետրանոցը, հաղթանակ պարգևեց հունական թիմին, որը 59-րդ րոպեից խաղում էր 10 հոգով։ 2-րդ դեղինը ստացել ու խաղադաշտից հեռացվել էր Անաս Զարուրին, իսկ խաղավարտից 4 րոպե առաջ նույն ճակատագրին արժանացավ Դիեգո Լյորենտեն։

Այս թիմերի միջև պատասխան խաղերը կկայանան մարտի 19-ին ու 20-ին։



Կեսգիշերին կմեկնարկեն «Սելտա»-«Օլիմպիկ Լիոն», «Ֆերենցվարոշ»-«Բրագա», «Գենկ»-«Ֆրայբուրգ» ու «Նոթինգեմ Ֆորեսթ»-«Միտյուլանդ» հանդիպումները։