Մբապեն նշել է, թե որ ակումբ կեղափոխվեր, եթե չլիներ Ռեալը

«Ռեալ Մադրիդի» հարձակվող Կիլիան Մբապեն կիսվել է ապագայի վերաբերյալ իր մտքերով, եթե տեղափոխությունը մադրիդյան ակումբ չկայանար 2024 թվականի ամռանը։

«Ես յոթ տարի եմ անցկացրել Փարիզում, և դա պատիվ էր։ Կարծում եմ՝ բավականաչափ չեմ խոսել դրա մասին կամ ցույց տվել, բայց միշտ հիշում էի, թե որտեղից եմ եկել և ինչ մեծ ակումբ է ՊՍԺ-ն։ Ես միշտ ասել եմ, որ դա Ֆրանսիայի ամենամեծ ակումբն է և աշխարհի լավագույններից մեկը։ Հետո տեղափոխվեցի աշխարհի ամենամեծ ակումբ («Ռեալ Մադրիդ») բայց միշտ ասել եմ, որ դա միակ ակումբն է, որի համար կհեռանայի ՊՍԺ-ից։ Եթե չհասնեի «Ռեալ Մադրիդ», ընդմիշտ կմնայի ՊՍԺ-ում։ Ես երազում էի խաղալ այս ակումբում և շատ ուրախ եմ դրա համար։ Ես միշտ դիտում եմ ՊՍԺ-ի խաղերը, թիմում ընկերներ ունեմ, և նրանք հիմա շատ լավ են խաղում», - Մբապեի խոսքերն է մեջբերում One Football-ը։

Այս մրցաշրջանում 27-ամյա հարձակվողը բոլոր մրցաշարերում անցկացրել է 33 խաղ՝ խփելով 38 գոլ և կատարելով վեց գոլային փոխանցում։