Ցավոք, դու բրազիլական անձնագիր չունես․ Անչելոտին դիմել է Ռեալի խաղացողին

Բրազիլիայի հավաքականի գլխավոր մարզիչ Կառլո Անչելոտին գովեսի խոսքեր է հնչեցրել «Ռեալ Մադրիդի» կիսապաշտպան Ֆեդերիկո Վալվերդեի հասցեին Չեմպիոնների լիգայի 1/8 եզրափակչի՝ «Մանչեսթեր Սիթիի» դեմ խաղից հետո (3-0), որում նա հեթ-տրիկ է ձևակերպել։

«Վալվերդեի հեթ-տրիկը ինձ չզարմացրեց, բայց ինձ շատ դուր եկան նրա գոլերը։ Դրանք զարմանալի էին։ Խաղից հետո ես նրան հաղորդագրություն ուղարկեցի. «Ափսոս, որ դու բրազիլական անձնագիր չունես», - Անչելոտիի խոսքերը մեջբերել է ESPN-ը։

Վալվերդեն այս մրցաշրջանում ակումբային մակարդակով անցկացրել է 40 խաղ՝ խփելով յոթ գոլ և կատարելով 12 գոլային փոխանցում։ 27-ամյա կիսապաշտպանը խաղում է Ուրուգվայի հավաքականում, որտեղ նա մասնակցել է 71 խաղի՝ խփելով ութ գոլ և կատարելով երկու գոլային փոխանցում։