Մայքլ Բ. Ջորդանը դարձել է ԱՊԼ ակումբի առաջին համասեփականատերը, որն արժանացել է Օսկարի

Ամերիկացի դերասան Մայքլ Բ. Ջորդանը, որն անգլիական «Բորնմութ» ֆուտբոլային ակումբի համասեփականատերն է, արժանացել է «Օսկար» մրցանակի՝ որպես լավագույն դերասան։ Այս իրադարձությունը տեղի է ունեցել Լոս Անջելեսում կայացած 98-րդ «Օսկար» մրցանակաբաշխության ժամանակ։

Ջորդանը արձանիկը ստացել է «Մեղավորները» գերբնական սարսափ ֆիլմում իր աշխատանքի համար։ Նա դարձել է Պրեմիեր լիգայի ակումբի առաջին համասեփականատերը, որը ստացել է այս մրցանակը։

2022 թվականին դերասանը միացել է գործարար Բիլ Ֆոլիի կոնսորցիումին, որը 140 միլիոն եվրոյով ձեռք է բերել «Բորնմութը»։ Ջորդանը ստացել է ակումբի փոքրամասնության բաժնեմաս, սակայն գործարքում նրա ներդրման ճշգրիտ չափը չի բացահայտվել։

«Բորնմութի» մամուլի ծառայությունը դերասանի հաջողությանն արձագանքել է սոցիալական ցանցերում գրառմամբ. «Շնորհավորում ենք Մայքլ Բ. Ջորդանին «Լավագույն դերասան» մրցանակի համար հաղթանակի կապակցությամբ։ Հպարտության օր մեր մարզական ընտանիքի համար»։

Հարկ է նշել, որ Ջորդանն ակտիվորեն ներգրավված է ակումբի գործերում։ 2024 թվականին նա նախագծել է «Բորնմութի» տնային համազգեստը։ Պրեմիեր լիգայի 30-րդ տուրի դրությամբ ակումբը 41 միավորով զբաղեցնում է մրցաշարային աղյուսակի 10-րդ հորիզոնականը։ Այս մրցաշրջանում «Բորնմութը» պարտվել է ընդամենը մեկ խաղում (2-3 «Արսենալի» դեմ), ունի չորս հաղթանակ և վեց ոչ-ոքի։