Միլանը Ռաֆայել Լեաուին տրանսֆերի է հանել՝ Լացիոյի դեմ խաղում գրանցված միջադեպից հետո

«Միլանը» որոշել է տրանսֆերի հանել 26-ամյա Ռաֆայել Լեաուին: Ըստ «La Gazzetta dello Sport»-ի՝ խաղացողի հեռանալը նախկինում բացառվել էր, սակայն պորտուգալացու վերջին ելույթներն Ա Սերիայի խաղերում փոխել են ակումբի ղեկավարության միտքը: «Ռոսոներիները» այժմ բաց են Լեաուի համար առաջարկներ ընդունելու համար։

Ֆուտբոլիստի հրաժարագնի կետը կազմում է 170 միլիոն եվրո, սակայն ակումբը հասկանում է, որ ոչ ոք չի վճարի այդ գումարը: Հետևաբար, «Միլանը» պատրաստ է քննարկել 80 միլիոն եվրոյից սկսվող առաջարկները: Ակումբի ղեկավարության համար վերջին կաթիլը «Լացիոյի» դեմ խաղում տեղի ունեցած միջադեպն էր, երբ գլխավոր մարզիչ Մասիմիլիանո Ալեգրին 66-րդ րոպեին փոխարինեց Լեաուին: Ֆուտբոլիստն էմոցիոնալ արձագանքեց՝ հրելով թիմակիցներին, որոնք փորձում էին հանգստացնել նրան։

Լեաուն այս մրցաշրջանում «Միլանի» կազմում անցկացրել է 24 խաղ՝ խփելով 10 գոլ և կատարելով երեք գոլային փոխանցում: Նրա պայմանագիրը ակումբի հետ ուժի մեջ է մինչև 2028 թվականը, իսկ նրա տրանսֆերային արժեքը, ըստ Transfermarkt-ի, կազմում է 70 միլիոն եվրո: