Աղբյուր. Աշխարհի 2014 թ. փոխչեմպիոնը որոշել է ավարտել կարիերան

Արգենտինայի հավաքականի նախկին դարպասապահ Սերխիո Ռոմերոն ավարտել է կարիերան 39 տարեկանում: Այս մասին X սոցիալական ցանցում հայտնել է լրագրող Ֆեդե Քրիստոֆանելլին։

Աղբյուրի տվյալներով՝ նախկին ֆուտբոլիստը ցանկանում է շարունակել իր կարիերան որպես որևէ թիմի գլխավոր մարզիչ, բայց հետաքրքրված է դարպասապահների մարզչի աշխատանոքվ: Ռոմերոն արդեն հավաքել է օգնականների անձնակազմ: Ռոմերոն մի քանի առաջարկ է ստացել, բայց մերժել է դրանք, քանի որ ներկայում ընտանեկան պատճառներով չի ցանկանում լքել Բուենոս Այրեսը։

Ֆուտբոլիստի կարիերայի ընթացքում Ռոմերոն խաղացել է «Սամպդորիայում», «Մանչեսթեր Յունայթեդում», «Բոկա Խունիորսում» և այլ թիմերում: Նա Արգենտինայի հավաքականի հետ նվաճել է 2014 թվականի աշխարհի առաջնության արծաթե մեդալը: