Կարևոր չէ՝ ինչ է դուր գալիս ինձ, հայրիկիս կամ մայրիկիս․ Ես ուզում եմ, որ Արսենալը հաղթի ԱՊԼ-ն․ Թիերի Անրի

«Արսենալի» նախկին հարձակվող Թիերի Անրին արձագանքել է լոնդոնյան թիմի խաղաոճի հասցեին հնչող քննադատություններին.

«Ինձ՝ որպես «Արսենալի» երկրպագուի, կարող է դուր չգալ (այդ ոճը), բայց ես հարգում եմ այն։ Ես չեմ ասում, թե նրանք անպայման կհաղթեն Պրեմիեր լիգան, բայց եթե դա անեն, ես հարգանքով կվերաբերվեմ դրան՝ անկախ նրանից, թե ինչպես կհասնեն արդյունքի։

Կարևոր չէ՝ ինչ է դուր գալիս ինձ, կարևոր չէ՝ ինչ է դուր գալիս մայրիկիս կամ հայրիկիս։ Մենք խնդրել էինք Միկել Արտետային գտնել միջոց, և նա գտավ։ Ամեն ինչ շատ պարզ է։ Ես ուզում եմ, որ թիմը հաղթի առաջնությունում. անցել է 22 տարի։

Շատ երկար ժամանակ «Արսենալին» մեղադրում էին ոչ հասուն լինելու մեջ, նրանում, որ չեն կարողանում պահպանել հաշվի առավելությունը։ Կարո՞ղ են նրանք հաղթել «ոչ գեղեցիկ» խաղով։ Հենց դա էլ անում է թիմը, և նրանց մոտ դա հիանալի է ստացվում։

Արդյո՞ք նրանք չեն կորցրել իրենց ինքնությունը, որն ունեին, երբ Միկել Արտետան նոր էր եկել։ Երբեմն կարող ես մի փոքր մոռանալ, թե ով ես եղել։ Երեք տարի առաջ մարդիկ խոսում էին այն մասին, թե որքան լավ ֆուտբոլ է խաղում «Արսենալը», բայց միևնույն ժամանակ հնչում էին այն մեղադրանքները, որոնք ես նշեցի։ Հիմա, երբ նրանք այսպես են խաղում, մարդիկ դժգոհ են դրանից»,- ասել է Անրին։

Անգլիայի Պրեմիեր լիգայում «զինագործները» 70 միավորով գլխավորում են մրցաշարային աղյուսակը և անցկացրել են 1 խաղ ավելի 2-րդ տեղով ընթացող «Մանչեսթեր Սիթիից», որն ունի 61 միավոր։