Սպորտինգի անհավանական քամբեքը վերջակետ դրեց Բուդյո-Գլիմտի հեքիաթին (տեսանյութ)

Չեմպիոնների լիգայի 1/8 եզրափակիչի պատասխան խաղում «Սպորտինգն» ընդունել էր «Բուդյո-Գլիմտին» ու հաղթեց 5։0 հաշվով։ Թիմերի միջև դիմակայության առաջին խաղն ավարտվել էր նորվեգական թիմի հաղթանակով՝ 3։0 հաշվով։

34-րդ րոպեին Գոնսալո Ինասիոն բացեց խաղի հաշիվը։ 61-րդ րոպեին Պեդրո Գոնսալվեշը կրնկնապատկեց պորտուգալական թիմի առավելությունը։ 78-րդ րոպեին Լուիս Սուարեսը դիպուկ իրացրեց 11-մետրանոց հարվածը՝ հավասարեցնելով դիմակայության հաշիվը։ Հանդիպումը տեղափոխվեց լրացուցիչ ժամանակ, որի մեկնարկից 2 րոպե անց Մաքսիմիլանո Արաուխոն խփեց «Սպորտինգի» 4-րդ գոլը, իսկ լրացուցիչին ժամանակին ավելացրած 1-ին րոպեին Ռաֆայել Նելը, որը նորամուտն էր նշում Չեմպիոնների լիգայում, ամրագրեց պորտուգալական ակումբի հաղթանակը։

Այսպիսով, «Սպորտինգը» դուրս եկավ քառորդ եզրափակիչ, որտեղ կմրցի «Արսենալ»-«Բայեր Լևերկուզեն» զույգի հաղթողի հետ։ Այդ դիմակայության առաջին խաղն ավարտվել է 1։1 հաշվով։