ՉԼ․ Ռեալն արտագնա խաղում ևս հաղթեց Ման․ Սիթիին՝ նվաճելով քառորդ եզրափակիչի ուղեգիր (տեսանութ)

Չեմպիոնների լիգայի 1/8 եզրափակիչի պատասխան խաղում Մադրիդի «Ռեալ» հյուրընկալվել էր «Մանչեսթեր Սիթիին» ու հաղթեց 2։1 հաշվով։ Թիմերի միջև դիմակայության 1-ին խաղն ավարտվել էր «Արքայական» ակումբի հաղթանակով՝ 3։0 հաշվով։

22-րդ րոպեին Բերնարդո Սիլվան, սեփական տուգանային հրապարակում, ձեռքով, միտումնավոր փակելով գնդակի ճանապարհը, հեռացվեց ուղիղ կարմիր քարտով, իսկ նշանակված 11-մետրանոցը դիպուկ իրացրեց Վինիսիուս Ջունիորը։ 1-ին կեսի ավարտից 4 րոպե առաջ Էրլինգ Հոլանդը վերականգնեց հաշվի հավասարությունը։

Հիմնական ժամանակին ավելացրած 3-րդ րոպեին Վինիսիուսը դուբլ ձևակերպեց՝ հաղթանակ պարգևելով «Արքայական» ակումբին։

Այսպիսով, Ալվարո Արբելոայի գլխավորած թիմը հաղթում է դիմակայությունում 5:1 հաշվով՝ նվաճելով քառորդ եզրափակիչի ուղեգիր, որտեղ կմրցի «Բավարիա»-«Ատալանտա» զույգի հաղթողի հետ։ Այդ դիմակայության առաջին խաղում գերմանական ակումբը հաղթել էր 6։1 հաշվով։

Քառորդ եզրափակիչի ուղեգրեր են նվաճել նաև «Սպորտինգը», «Արսենալն» ու ՊՍԺ-ն։