Բուդյո-Գլիմտի մարզիչը մեկնաբանել է թիմի՝ Չեմպիոնների լիգայից դուրս մնալը

«Բուդյո-Գլիմտի» գլխավոր մարզիչ Խյետիլ Կնուտսենը մեկնաբանել է իր թիմի՝ Չեմպիոնների լիգայից դուրս մնալը։ 1/8 եզրափակչում նորվեգացիները պարտվեցին Լիսաբոնի «Սպորտինգին» ընդհանուր 3-0 հաշվով։ Առաջին խաղն ավարտվեց 3-0 հաշվով՝ «Բուդյո-Գլիմտի» օգտին, սակայն «Սպորտինգը» պատասխան խաղում ջախջախեց նորվեգացիներին 5-0 հաշվով։

«Մենք ֆուտբոլ չխաղացինք. մենք խաղացինք՝ հաշվի առնելով պահի կարևորությունը, և դա մեզ համար չափազանց ծանր էր։ «Սպորտինգը» պարզապես դուրս եկավ խաղադաշտ՝ առանց որևէ բանի մասին մտածելու, մինչդեռ մենք առաջին իսկ հպումից մտածում էինք հետևանքների մասին։ Սա մեզ պասիվացրեց։

Ես չեմ կարող վստահորեն ասել, թե ինչու է այն այսպես ավարտվել, բայց միայն հազվադեպ պահերին մենք կարողացանք ցուցադրել որևէ կառուցողական խաղ։ Մենք շատ հեռու էինք մեր ինքնությունից և նրանից, թե ինչ պետք է լինեինք իրականում», - Կնուտսենի խոսքերն է մեջբերում ՈՒԵՖԱ-ի կայքը՝ հղում անելով TV 2-ին։