Բրագան վրեժ լուծեց Ֆերենցվարոշից՝ նվաճելով քառորդ եզրափակիչի ուղեգիր

Եվրոպա լիգայի 1/8 եզրափակիչի պատասխան խաղում «Բրագան» ընդունել էր «Ֆերենցվարոշին» ու հաղթեց 4։0 հաշվով։ Թիմերի միջև կայացած առաջին խաղում հաղթել էր հունգարական ակումբը՝ 2 գնդակի առավելությամբ։

11-րդ րոպեին Ռիկարդո Հորդան բացեց խաղի հաշիվը։ 4 րոպե անց Ֆլորիան Գրիլիչը կրկնապատկեց իր թիմի առավելությունն, իսկ 34-րդ րոպեին Գաբրիել Մարտինեսը խփեց «Բրագայի» 3-րդ գոլը՝ դիմակայությունում առաջ մղելով պորտուգալական ակումբին։

53-րդ րոպեին Ռիկարդո Հորդան իր անվան դիմաց դուբլ գրանցեց՝ վերջակետ դնելով հանդիպմանը։

Այսպիսով, «Բրագան» դուրս եկավ քառորդ եզրափակիչ, որտեղ կմրցի «Պանատինայկոս»-«Ռեալ Բետիս» զույգի հաղթողի հետ։ Այդ դիմակայության առաջին հանդիպումն ավարտվել էր հունական թիմի նվազագույն հաշվով հաղթանակով։