Կորցնելու ոչինչ չունենք, բայց ունենք ապացուցելու բան. Պալադինոն՝ Բավարիայի դեմ պատասխան խաղի մասին

«Ատալանտայի» գլխավոր մարզիչ Ռաֆայելե Պալադինոն կիսվել է սպասելիքներով Չեմպիոնների լիգայի 1/8 եզրափակչչի՝ Մյունխենի «Բավարիայի» դեմ պատասխան հանդիպումից առաջ: Հիշեցնենք, որ առաջին խաղում գերմանական ակումբը հաղթել է ջախջախիչ՝ 6:1 հաշվով:

Իտալացի մասնագետը նշել է թիմի մոտիվացիան և պատասխանատվությունը.

«Հինգ գնդակի տարբերությունը հետ բերելը միշտ նման է բարձր լեռան նվաճմանը: Բայց, ամեն դեպքում, ես ցանկանում եմ տեսնել մեր ակումբին և մեր ներկայիս կարգավիճակին համապատասխան խաղ: Հպարտ ենք, որ մենք վերջին իտալական թիմն ենք, որը շարունակում է պայքարը Չեմպիոնների լիգայում: Պայքարելու ենք մինչև վերջ:

Մենք պետք է ցույց տանք մեր հպարտությունը: Մենք կորցնելու ոչինչ չունենք, բայց ունենք ապացուցելու բան: Պետք է կենտրոնանանք մեր խաղի վրա: Ինչպես ցույց տվեց առաջին հանդիպումը, դետալները շատ բան են որոշում»,- Պալադինոյի խոսքերն է մեջբերում ՈՒԵՖԱ-ի պաշտոնական կայքը: