Բարսելոնան 7 գնդակ ուղարկեց Նյուքասլի դարպասը (տեսանյութ)

Չեմպիոնների լիգայի 1/8 եզրափակիչի պատասխան խաղում «Բարսելոնան» ընդունել էր «Նյուքասլին» ու հաղթեց 7։2 հաշվով։ Թիմերի միջև դիմակայության առաջին խաղն ավարտվել էր 1։1 հաշվով։
 
Խաղի հաշիվը բացեց Ռաֆինյան՝ 6-րդ րոպեին։ 15-րդ րոպեին Էնթոնի Էլանգան հավասսարեցրեց հանդիպման հաշիվը։ 3 րոպե անց Մարկ Բերնալը կրկին առաջ մղեց կատալոնական ակումբին, սակայն 28-րդ րոպեին Էլանգան դուբլ ձևակերպեց՝ վերականգնելով հաշվի հավասարությունը։

1-ին կեսին ավելացրած 4-րդ րոպեին Կիերան Տրիպիեն խախտեց խաղի կանոնները Ռաֆինյայի նկատմամբ, իսկ հանդիպման գլխավոր մրցավար Ֆրանսուա Լետեքսյեն 11-մետրանոց հարված նշանակեց, որը դիպուկ իրացրեց Լամին Յամալը։

2-րդ կեսում «կապտանռնագույնները» ևս 4 գոլ խփեցին։ Աչքի ընկան Ֆերմին Լոպեսը (51'), Ռոբերտ Լևանդովսկին (56', 61') և Ռաֆինյան (72'):

Այսպիսով, «Բարսելոնան» հաղթեց 8։3 հաշվով ու դուրս եկավ քառորդ եզրափակիչ, որտեղ կմրցի «Տոտենհեմ»-«Ատլետիկո Մադրիդ» դիմակայության հաղթողի հետ։