Ռաֆինյան՝ Չեմպիոնների լիգայի շաբաթվա լավագույն ֆուտբոլիստ

«Բարսելոնայի» հարձակվող Ռաֆինյան ճանաչվել է Չեմպիոնների լիգայի շաբաթվա լավագույն խաղացող։ Այս մասին տեղեկացնում է ՈՒԵՖԱ-ի պաշտոնական կայքը։

Մրցաշարի 1/8 եզրափակչի՝ «Նյուքասլի» դեմ պատասխան խաղում (7:2) բրազիլացի ֆուտբոլիստն աչքի է ընկել երկու գոլով և երկու գոլային փոխանցմամբ։ «Կապտանռնագույնների» խաղացողն այդ հանդիպման ընթացքում անցել է 10,7 կմ տարածություն։

Քվեարկության արդյունքում Ռաֆինյան առաջ է անցել Մադրիդի «Ռեալի» հարձակվող Վինիսիուս Ժունիորից, ով դուբլ էր գրանցել «Մանչեսթեր Սիթիի» դեմ խաղում (2:1), «Լիվերպուլի» կիսապաշտպան Դոմինիկ Սոբոսլաիից, որը գոլի հեղինակ էր դարձել «Գալաթասարայի» հետ մրցավեճում (4:0), ինչպես նաև «Սպորտինգի» կիսապաշտպան Ֆրանսիշկու Տրինկաուից, ով երկու գոլային փոխանցում էր կատարել «Բուդյո-Գլիմտի» դեմ խաղում (5:0):