Մ23 Եվրոպայի առաջնություն․ Կնյազ Իբոյանը դուրս եկավ եզրափակիչ
Ալբանիայի մայրաքաղաք Տիրանայում ընթացող ազատ ոճի ըմբշամարտի Եվրոպայի մինչեւ 23 տարեկանների առաջնությունում Հայաստանի ներկայացուցիչ Կնյազ Իբոյանը դուրս է եկել եզրափակիչ։
92 կգ քաշային հայ ըմբիշը 10։0 հաշվով հաղթել է ուկրաինացի Դենիս Սախալյուկին։ Եզրափակիչում Իբոյանի մրցակիցը ռուս Մուհամեդ Խանիևն է։
Հիշեցնենք, որ ավելի վաղ եզրափակիչի ուղեգիր էր վաստակել 61 կգ քաշային Լևիկ Միքայելյանը։
