«Փյունիկի» հարձակվողը վարձակալությամբ տեղափոխվեց Լիտվա

«Փյունիկի» հարձակվող Մատաս Վարեյկան մինչև տարվա վերջ, վարձակալական հիմունքներով, կարիերան կշարունակի Լիտվայի «Ժալգրիս» ակումբում։ Այդ մասին հայտնում է երևանյան ակումբը:

Ֆուտբոլիստն այս մրցաշրջանում՝ «Փյունիկի» կազմում, անցկացրել է 17 պաշտոնական հանդիպում։

Մատասը հանդես է եկել շնորհակալական խոսքով` «Ժալգրիս» տեղափոխությունից առաջ.

«Ցանկանում եմ շնորհակալություն հայտնել նրանց, ովքեր տվել են հնարավորություն ներկայացնելու «Փյունիկի» նման լեգենդար ակումբը:

Բոլոր երկրպագուներին ցանկանում եմ հայտնել շնորհակալություն` ջերմության և սիրո համար, որը զգացել եմ նրանց կողմից:

Ես լավագույնն եմ մաղթում թիմին այս մրցաշրջանում: Չեմ ասում հաջողություն, այլ` շուտով կհանդիպենք»:

Լիտվացին «Փյունիկի» կազմում անցկացրած 32 խաղում խփել է 8 գոլ ու կատարել 3 գոլային փոխանցում: