Սալահը վնասվածքի պատճառով չի միանա Եգիպտոսի ազգային հավաքականին

«Լիվերպուլի» գլխավոր մարզիչ Առնե Սլոտը հայտնել է, որ Մոհամեդ Սալահը վնասվածք է ստացել «Գալաթասարայի» դեմ խաղում (4:0):

33-ամյա վինգերը փոխարինվել էր Չեմպիոնների լիգայի 1/8 եզրափակիչի հանդիպման 74-րդ րոպեին:

Նիդերլանդացի մասնագետը խոստովանել է, որ վնասվածքի տեսակն անսովոր է Սալահի պես դիմացկուն խաղացողի համար։ Սլոթը հաստատել է, որ եգիպտոսցին չի մասնակցի Պրեմիեր լիգայի «Բրայթոնի» դեմ խաղին:

«Դա իսկապես անսովոր է: Սակայն արդյունքում կարելի է նման ելք ակնկալել, ուստի նա չի կարողանա խաղալ վաղը: «Լիվերպուլի» և մեզ համար լավն այն է, որ առջևում միջազգային հանդիպումներով պայմանավորված դադարն է: Սա վատ է Եգիպտոսի համար. նա չի կարողանա մեկնել այնտեղ:

Մենք նաև հույս ունենք, որ հաշվի առնելով այն, ինչ Մոն ցույց է տվել նախկինում, նա կկարողանա ավելի արագ ապաքինվել, քան մյուս խաղացողները նման իրավիճակներում, քանի որ նա շատ լավ է խնամում իր մարմինը: Պատմությունը ցույց է տալիս, որ նա կարող է վերադառնալ ավելի շուտ, քան մյուսները:

Բայց մինչև մեր հաջորդ հանդիպումն ընդամենը երկու շաբաթ է մնացել, այնպես որ հուսանք, որ այդ ընթացքում նա կկարողանա վերականգնվել»,- ասել է Սլոտը: