Ա Սերիայում 9 հանդիպում է մնացել․ Ամեն դրվագը որոշիչ է․ Սպալետի

«Յուվենտուսի» գլխավոր մարզիչ Լուչիանո Սպալետին խոսել է Ա Սերիայի 30-րդ տուրի «Սասուոլոյի» դեմ սպասվող հանդիպման մասին: Մասնագետը նշել է, որ մրցաշրջանի վերջնագիծը Չեմպիոնների լիգայի ուղեգրերի համար լարված պայքար է խոստանում:

«Նման պահերին ամեն ինչ որոշում է ընտրությունը: Մնացել է 9 խաղ և յուրաքանչյուր դրվագ կարող է վճռորոշ լինել: Դու չես կարող կատարյալ խաղալ բոլոր 90 րոպեները, բայց պետք է կարողանաս հասկանալ այն պահը, որը կորոշի վերջնարդյունքը: Ընտրություն կատարելու ունակությունը՝ երբ խաղն արագացնել, երբ դանդաղեցնել, ում դուրս բերել խաղադաշտ, ում փոխարինել, հենց սա է հիմքը: Պետք է կարողանալ ընտրություն կատարել»,- մարզչի խոսքերն է մեջբերում ակումբի պաշտոնական կայքը:

Իտալիայի առաջնության 29 տուրերից հետո «Յուվենտուսը» 53 միավորով զբաղեցնում է մրցաշարային աղյուսակի 5-րդ հորիզոնականը: «Սասուոլոն» 11-րդ տեղում է՝ 29 խաղից հետո վաստակած 38 միավորով: