Բարդ հանդիպում էր․ Երջանիկ եմ․ Ֆլիկը՝ Ռայո Վալեկանոյի նկատմամբ հաղթանակից հետո

Իսպանիայի առաջնության 29-րդ տուրի «Բարսելոնա»-«Ռայո Վալեկանո» (1։0) խաղից հետո կատալոնական ակումբի գլխավոր մարզիչ Հանսի Ֆլիկը խոսել է հանդիպման մասին․

«Ես երջանիկ եմ: Բարդ հանդիպում էր: Ամենակարևորն այն է, որ մենք վաստակեցինք 3 միավոր: Շատ գոհ եմ Ժոանից (Գարսիա): Նա շատ կարևոր է մեզ համար։ Այսօր նա ցուցադրեց իր բոլոր որակները։ Կրկին հիանալի սեյվեր կատարեց։ Նրա աշխատանքը շատ բարձր մակարդակի վրա է։

Դանին (Օլմո) մեզ մեծ վերահսկողության հնարավորություն է տալիս։ Նրա որակը, խաղը տուգանային հրապարակի մատույցներում... Ֆերմինն ավելի դինամիկ է։ Նրանք 2 տարբեր խաղաոճ ունեցող ֆուտբոլիստներ են, բայց երկուսն էլ շատ կարևոր են մեզ համար։

Արաուխոյի գոլը շատ կարևոր էր բոլորիս համար։ Այն այսօր մեզ 3 միավոր պարգևեց և դա դրական է ամբողջ թիմի համար»,- ասել է Ֆլիկը։