Սևիկյանը կրկին խաղաժամանակ չստացավ․ Ակրոնը 1-ին կեսում 5 գոլ ընդունեց Լոկոմոտիվից

Ռուսաստանի Պրեմիեր լիգայի 22-րդ տուրում «Ակրոնը» հյուրընկալվել էր Մոսկվայի «Լոկոմոտիվին» ու զիջեց 1։5 հաշվով։ Հանդիպման բոլոր գոլերը գրանցվեցին 1-ին կեսում։

Հայաստանի ազգային հավաքականի կիսապաշտպան Էդգար Սևիկյանն ընդգրկված էր «Ակրոնի» հայտացուցակում, սակայն խաղաժամանակ չստացավ։ Նախորդ տուրի «Ախմատի» դեմ կայացած խաղում հայ ֆուտբոլիստը կրկին մնացել էր պահեստայինների նստարանին, իսկ ՌՊԼ-ի գարնանային հատվածի Մոսկվայի «Սպարտակի» ու «Օրենբուրգի» դեմ խաղերին ընդհանուր ստացել էր 29 րոպե խաղաժամանակ։

Այս խաղից հետո «Ակրոնը» 22 միավորով 11-րդ տեղում է։ «Լոկոմոտիվը» 44 միավորով 3-րդն է։

«Լոկոմոտիվ Մոսկվա» 5։1 «Ակրոն»

6' Սեզար Մոնտես, 23' Ալեքսանդր Ռուդենկո, 26' Զելիխման Բակաև, 28' Դմիտրի Վորոբյով, 39' Ալեքսեյ Բատրակով - 13' Կևին Արևալո
Հեռացում՝ 70' Ռոդգրիգո Էսկովալ («Ակրոն»)