Ման․ Սիթին հաղթեց Արսենալին՝ նվաճելով Անգլիայի լիգայի գավաթը (տեսանյութ)

Անգլիայի լիգայի գավաթի եզրափակիչում «Մանչեսթեր Սիթին» մրցում էր «Արսենալի» հետ ու հաղթեց 2։0 հաշվով՝ 2021 թվականից ի վեր առաջին անգամ տիրելով Անգլիայի լիգայի գավաթին։

«Քաղաքաբնակների» կազմում դուբլ ձևակերպեց Նիկո Օ'Ռայլին՝ 60 և 64-րդ րոպեներին։

Սա «Մանչեսթեր Սիթիի» 9-րդ հաղթանակն էր Անգլիայի լիգայի գավաթում, որից 5-ը մանչեսթերյան ակումբը նվաճել է Պեպ Գվարդիոլայի գլխավորությամբ։ Սա իսպանացի մասնագետի համար անգլիական ակումբի ղեկին նվաճած 19-րդ տիտղոսն էր։ Նա 6 անգամ դարձել է Անգլիայի Պրեմիեր լիգայի հաղթող, 3 անգամ նվաճել է Անգլիայի սուպերգավաթը, 2-անգամ՝ Անգլիայի գավաթը, 1-ական անգամ էլ հաղթել է Չեմպիոնների լիգայում, ՈւԵՖԱ-ի սուպերգավաթում և աշխարհի ակումբային առաջնությունում։

«Մանչեսթեր Սիթիից» շատ Անգլլիայի լիգայի գավաթին տիրել է «Լիվերպուլը»՝ 10 անգամ։