Նոայի 300-րդ գոլն ու ջախջախիչ հաղթանակը, Գրեգորիոյի դուբլը

ՀՊԼ 22-րդ տուրում «Նոան» այսօր մրցել է «Գանձասարի» հետ և 3:0 հաշվով ջախջախիչ հաղթանակ տարել:

Հանդիպումը կայացել է «Ջունիոր Սպորտ» մարզադաշտում:

«Նոայի» կազմում դուբլի հեղինակ է դարձել Գոնսալու Գրեգորիոն, ևս մեկ գոլ իր ակտիվում գրանցել է Գոռ Մանվելյանը:

Այս խաղում խփվել է նաև «Նոայի» 300-րդ գոլը Հայաստանի ներքին առաջնություններում, որոնցից 63-ը՝ այս մրցաշրջանում։ Հոբելյանական էր Գրեգորիոյի առաջին գոլը: Վերջինս Հայաստանի ընթացիկ առաջնությունում իր գոլերի թիվը հասցրել է 17-ի:

Այս հաղթանակի արդյունքում «Նոան» շարունակում է գլխավորել ՀՊԼ մրցաշարային աղյուսակը՝ իր ակտիվում ունենալով 49 միավոր: «Գանձասարը» 2 միավորով վերջին տեղում է: