Եվրոպա լիգա. Զախարյանը կարող է մասնակցել Մանչեսթեր Յունայթեդի հետ հանդիպմանը

«Ռեալ Սոսյեդադում» հնարավոր են համարել թիմի կիսապաշտպան Արսեն Զախարյանի մասնակցությունը Եվրոպայի լիգայի 1/8 եզրափակչի՝ «Մանչեսթեր Յունայթեդի» հետ պատասխան հանդիպմանը։

Փետրվարի 23-ին «Լեգանեսի» դեմ խաղում (3:0) Զախարյանը գոլի հեղինակ դարձավ, սակայն աջ ազդրի մկանային վնասվածք ստացավ։

«Արսենն այսօր աշխատել է ընդհանուր խմբի հետ։ Նա կարող է մեկնել այս շաբաթ «Մանչեսթեր Յունայթեդի» և «Ռայո Վալեկանոյի» դեմ արտագնա հանդիպումներին»,- ՏԱՍՍ-ին հայտնել են «Ռեալ Սոսյեդադի» մամուլի ծառայությունից։

Իսպանիայում «Մանչեսթեր Յունայթեդի» հետ կայացած առաջին խաղն ավարտվել է 1-1 հաշվով։ Անգլիայում «Մանչեսթեր Յունայթեդի» դեմ պատասխան հանդիպումը կկայանա մարտի 13-ին և կմեկնարկի Երևանի ժամանակով 00:00-ին։