Սա խոսում է այն մասին, թե ինչ ֆանտաստիկ թիմ ունեմ ես․ Արբելոան՝ Գվարդիոլայի, Մոուրինյոյի և Սիմեոնեի նկատմամբ տարած հաղթանակների մասին
Մադրիդի «Ռեալի» գլխավոր մարզիչ Ալվարո Արբելոան խոսել է Պեպ Գվարդիոլայի, Ժոզե Մոուրինյոյի և Դիեգո Սիմեոնեի գլխավորած թիմերի նկատմամբ տարած հաղթանակների մասին.
«Դա խոսում է այն մասին, թե ինչ ֆանտաստիկ թիմ ունեմ ես։ Ամեն ինչ շատ ավելի հեշտ է, երբ քո տրամադրության տակ են լավագույն խաղացողները, ովքեր նվիրված են իրենց գործին այնպես, ինչպես հիմա, և երբ նրանք ունեն այնպիսի տրամադրվածություն, ինչպիսին հիմա է․ նրանք գիտեն, երբ համբերել։
Ուրախ եմ, որ «Բերնաբեուն» ավելի ու ավելի շատ է մեզ աջակցում։ Հաճախ եմ ասում խաղացողներին, որ մենք պետք է առավելագույնս օգտվենք դրանից, որովհետև, երբ «Բերնաբեուն» ճնշում է գործադրում, ամեն ինչ շատ ավելի հեշտ է դառնում։
Երախտագիտությունս եմ հայտնում բոլոր ֆուտբոլիստներին իրենց աշխատանքի և նվիրվածության համար՝ թե՛ նրանց, ովքեր հիմնական կազմում են, թե՛ նրանց, ովքեր քիչ են խաղաժամանակ ստանում։
Ես ուզում եմ, որ ֆուտբոլիստները լինեն առավելագույնս համախմբված, դառնան ընտանիք, ցույց տան ընկերության ուժը, պահպանեն լավ մթնոլորտը և շարունակեն հաղթել, քանի որ դա ամենակարևորն է», – ասել է Արբելոան։
