Արարատ-Արմենիան ձեռքից բաց թողեց հաղթանակը Վանի հետ խաղում

Fastex Հայաստանի Պրեմիեր լիգայի 22-րդ տուրում «Արարատ-Արմենիան» հյուրընկալել էր «Վանին»։

Տանտերերը ձեռքից բաց թողեցին հաղթանակը։ Հանդիպման հաշիվը 10-րդ րոպեին բացեց Ալվին Տերան։ Խաղավարտից 5 րոպե առաջ 2-րդ դեղին քարտը ստացավ և խաղադաշտից հեռացվեց «Արարատ-Արմենիայի» պաշտպան Ժոաու Կեյրոշը, իսկ հիմնական ժամանակին մրցավարի ավելացրած 5-րդ րոպեին Ռոբերտ Հակոբյանը կարողացավ վերականգնել հաշվի հավասարությունը։

Այս հանդիպումից հետո Վարդան Մինասյանի սաները 39 միավորով 4-րդն են։ «Վանը» 31 միավորով եզրափակում է լավագույն հնգյակը։