Լիվերպուլը պատրաստ է 140 միլիոն եվրո ծախսել Սալահին փոխարինողի համար. նշվել է 3 թեկնածու
«Լիվերպուլը» կարող է մինչև 140 միլիոն եվրո ծախսել հարձակվող Մոհամեդ Սալահին փոխարինելու համար, որը նախկինում հայտարարել էր, որ 2025/2026 մրցաշրջանի ավարտին կհեռանա ակումբից: TEAMtalk-ի տվյալներով՝ անգլիական ակումբն աջ եզրային վինգերի դիրքում երեք թեկնածու է դիտարկում։
«Լիվերպուլի» կարճ ցուցակում են գերմանական «ՌԲ Լայպցիգի» հարձակվող Յան Դիոմանդը և Էնթոնի Գորդոնը «Նյուքասլից»: Այնուամենայնիվ, թիմի գլխավոր նպատակը մնում է Մյունխենի «Բավարիայի» ֆրանսիացի ֆուտբոլիստ Մայքլ Օլիսեն, որի արժեքը գնահատվում է 140 միլիոն եվրո։
Ակումբի ղեկավարությունը, ըստ լուրերի, հույս ունի համոզել «Բավարիային» բաժանվել խաղացողից: Նրա փորձը Անգլիայի Պրեմիեր լիգայում և այն փաստը, որ աջ եզրային հարձակվողը նրա նախընտրելի դիրքն է, ֆրանսիացու ուժեղ կողմերից են մրցակիցների համեմատ:
Միաժամանակ, «Լիվերպուլում» կարծում են, որ հաջորդ մրցաշրջանում Սալահի հեռանալը շաբաթական 450,000 ֆունտ ստեռլինգ կխնայի, ըստ indykalia News-ի X սոցիալական ցանցի էջում։
Աղբյուրի համաձայն՝ եգիպտացու աշխատավարձի վրա խնայողությունները թույլ կտան մերսիսայդցիների ղեկավարությանը իրենց բոլոր միջոցներն ուղղել հենց Օլիսեին ձեռք բերելուն:
