Գոլերից անցում գամբիտների. Էրլինգ Հոլանդը լրջորեն տարվել է շախմատով
Շախմատի միջազգային ֆեդերացիայի (ՖԻԴԵ) նախագահ Արկադի Դվորկովիչը հայտնել է «Մանչեսթեր Սիթիի» և Նորվեգիայի ազգային հավաքականի հարձակվող Էրլինգ Հոլանդի մեծ հետաքրքրության մասին դեպի շախմատը:
Ֆուտբոլիստը դարձել է Total Chess World Championship շախմատային տուրի ներդրող:
«Ես շփվել եմ նրա ընտանիքի որոշ անդամների, մենեջերների և գործընկերների հետ: Նրանք բոլորը հաստատեցին, որ Էրլինգը տարվել է շախմատով և սկսել է պարապել: Նա ցանկանում է լավ խաղալ: Նրան դուր է եկել մրցաշարային ցիկլի գաղափարը։ Բացի այն, որ ինքն է որոշել ներդրում անել այս նախագծում, նաև օգնել է ներգրավել լրացուցիչ գործընկերների, որոնց մասին շուտով կհայտարարվի:
Ֆուտբոլիստների հետաքրքրությունը շախմատի նկատմամբ միանշանակ դրական է ազդում մարզաձևի հանրաճանաչության վրա: Հուսով եմ՝ դա միաժամանակ բարելավում է նաև նրանց ֆուտբոլային հմտությունները: Սեփական փորձից գիտեմ, որ դաշտում տարբերակներ հաշվարկելն ավելի հեշտ է դառնում, երբ շախմատ ես խաղում», — նշել է Դվորկովիչը:
