Ամորիմը ակումբը տարավ ճիշտ ուղղությամբ, բայց նրա գաղափարները չաշխատեցին․ Հարի Մագուայեր
«Մանչեսթեր Յունայթեդի» պաշտպան Հարի Մագուայերն խոսել է թիմի նախկին գլխավոր մարզիչ Ռուբեն Ամորիմի մասին։
«Ես Ռուբենի հասցեին ոչ մի վատ բան չեմ կարող ասել: Նա ինձ շատ է դուր գալիս։ Նա հիանալի գաղափարներ ունի: Պարզապես «Մանչեսթեր Յունայթեդում» դրանք չաշխատեցին: Հավատում եմ, որ նա փայլուն կարիերա կունենա և իր հաջորդ ակումբում, հավանաբար, շատ ու շատ հաղթանակներ կտոնի:
Պարզապես չստացվեց։ Մենք՝ որպես խաղացողներ, նույնպես պետք է պատասխանատվություն կրենք դրա համար: Բայց ես կարծում եմ, որ նա ակումբը տարավ ճիշտ ուղղությամբ։ Կարծում եմ՝ նա մեծ գովասանքի է արժանի դրա համար, քանի որ նրան հաջողվեց ստեղծել լավ, համախմբված թիմ», — Մագուայերի խոսքերն է մեջբերում ESPN-ը:
Հիշեցնենք, որ հունվարի 13-ին թիմի նոր գլխավոր մարզչի պաշտոնակատար է նշանակվել Մայքլ Քարիկը: Այս պահին դեռ հայտնի չէ՝ արդյո՞ք նա կմնա այդ պաշտոնում, թե ոչ: «Մանչեսթեր Յունայթեդն» այս պահին գտնվում է Անգլիայի Պրեմիեր լիգայի մրցաշարային աղյուսակի 3-րդ հորիզոնականը:
