ԱԱ-2026. Հետխաղյա 11-մետրանոցները երկու թիմ ուղարկեցին ընտրական փուլի եզրափակիչ
Աշխարհի առաջնության ընտրական փուլի եվրոպական գոտու փլեյ-օֆֆում հայտնի դարձան եզրափակիչի ևս երկու թիմեր:
Չեխիայի հավաքականը Իռլանդիայի դեմ հանդիպման ընթացքում կարողացավ քամբեք կատարել և 0:2 հաշվից հետո հիմնական ու լրացուցիչ ժամանակն ավարտել 2:2 հաշվով: Հետխաղյա 11-մետրանոց հարվածաշարում նույնպես իռլանդացիներն առավելություն ունեին, սակայն տանտերերի դարպասապահ Մատեյ Կովարժը երկու անընդմեջ սեյվ կատարեց և Չեխիային դուրս բերեց հաջորդ փուլ: Մունդիալ-2026-ի ուղեգրի համար պայքարում չեխերը կմրցեն Դանիայի հետ:
11-մետրանոց հարվածաշարով ավարտվեց նաև Ուելս – Բոսնիա և Հերցեգովինա մրցավեճը: Հիմնական ժամանակում գոլերով փոխանակվեցին Դենիել Ջեյմսը և 40-ամյա Էդին Ջեկոն, իսկ լրացուցիչ ժամանակում գոլեր չեղան:
Հետխաղյա 11-մետրանոցների ժամանակ կրկնվեց չեխական սցենարը. Ուելսը հաշվի մեջ առաջ էր, սակայն թիմի վերջին հարվածները վրիպեցին Դենիել Ջեյմսը և Նեկո Ուիլյամսը: Բոսնիացիները դուրս եկան ընտրական փուլի փլեյ-օֆֆի եզրափակիչ, որտեղ մրցելու են Իտալիայի հետ:
