Բարսելոնայում զայրացած են Ռաֆինյայի վնասվածքի պատճառով. ակումբը քննադատում է Բրազիլիայի հավաքականին անիմաստ ռիսկի համար

«Բարսելոնայում» դժգոհ են Ֆրանսիայի դեմ ընկերական խաղում Ռաֆինյայի ստացած վնասվածքից։ Ինչպես հայտնում է Diario Sport-ը, խաղը չուներ մրցաշարային նշանակություն, ինչն էլ ավելի է սրել կատալոնական ակումբի վրդովմունքը։ Ֆուտբոլիստը դուրս էր եկել խաղադաշտ մեկնարկային կազմում, սակայն արդեն ընդմիջմանը փոխարինվել է՝ աջ ազդրի մկանային ցավի պատճառով։

Ակումբի ղեկավարությունը խիստ դժգոհ է, որ Ռաֆինյային ներգրավել են նման մակարդակի խաղում՝ մրցաշրջանի վճռորոշ հատվածի ֆոնին։ Ակումբում համարում են, որ ԱՄՆ թռիչքը և ընկերական խաղին մասնակցությունը չարդարացված ռիսկ էր՝ հատկապես հաշվի առնելով Ռաֆինյայի վերջին մկանային խնդիրները։

Կատալոնացիների գլխավոր մարզիչ Հանսի Ֆլիկը նույնպես զայրացած է։ Եթե Ռաֆինյան բաց թողնի ավելի քան 28 օր, ակումբը կկարողանա ՖԻՖԱ-ից փոխհատուցման հույս ունենալ, սակայն «Բարսելոնայում» հասկանում են, որ ֆինանսական վճարները չեն փոխհատուցի առանցքային խաղացողներից մեկի կորուստը մրցաշրջանի վճռորոշ պահին։

Ավելի վաղ հայտնել էինք, որ բրազիլացու ապաքինման համար կպահանջվի շուրջ 5 շաբաթ։