Մայամի․ Սիները ևս եզրափակիչում է

ԱՄՆ-ի Մայամի քաղաքում ընթացող Մասթերս շարքի մրցաշարի կիսաեզրափակիչում աշխարհի 2-րդ ռակետ, իտալացի Յանիկ Սիները 2։0 (6։3, 7։6) հաշվով հաղթեց Գերմանիան ներկայացնող, 4-րդ ռակետ Ալեքսանդր Զվերևին։

Մրցախաղը տևեց 1 ժամ 53 րոպե։ Ամբողջ հանդիպման ընթացքում իտալացի թենիսիստը 15 էյս գրանցեց, թույլ չտվեց կրկնակի սխալ և երկրորդ անգամ մատուցելիս հաղթեց գեյմը՝ 20-ից 20 դեպքում։

Եզրափակիչում Սիները կմրցի չեխ Իրժի Լեհեչկայի հետ, որը կիսաեզրափակիչում առավելության էր հասել Ֆրանսիան ներկայացնող Արթուր Ֆիլսի նկատմամբ։

Մայամիի Մասթերսի եզրափակիչը կկայանա մարտի 29-ին և կմեկնարկի 23։00-ին։