Մուհամեդ Սալահը կարող է վերադառնալ Ռոմա

«Լիվերպուլի» վինգեր Մոհամեդ Սալահը դիտարկում է «Ռոմա» վերադառնալու տարբերակը՝ ընթացիկ մրցաշրջանի ավարտին անգլիական ակումբից հեռանալուց հետո։ Այս մասին հայտնում է La Gazzetta dello Sport-ը։

Պարբերականի տեղեկություններով՝ Եգիպտոսի հավաքականի ֆուտբոլիստը կարող է մեկ մրցաշրջան անցկացնել իտալական ակումբում՝ հետաձգելով իր ապագայի վերաբերյալ վերջնական որոշման կայացումը։ Հիշեցնենք, որ Սալահը «գայլերի» կազմում հանդես է եկել 2015-ից 2017 թվականներին՝ բոլոր մրցաշարերում անցկացնելով 83 հանդիպում և «գոլ+փոխանցում» համակարգով վաստակելով 55 (34+21) միավոր։

Ընթացիկ մրցաշրջանում 33-ամյա ֆուտբոլիստը ակումբի կազմում անցկացրել է 34 հանդիպում բոլոր մրցաշարերում՝ դառնալով 10 գոլի և 10 գոլային փոխանցման հեղինակ։ Transfermarkt պորտալի գնահատմամբ՝ ֆուտբոլիստի տրանսֆերաին արժեքը կազմում է 30 միլիոն եվրո։