Տխուր եմ արդյունքից, գոհ՝ աշխատանքից․ Եղիշե Մելիքյանը Բելառուսից կրած պարտությունից հետո (տեսանյութ)

Հայաստան-Բելառուս (1։2) ընկերական հանդիպումից հետո Հայաստանի ազգային հավաքականի գլխավոր մարզիչ Եղիշե Մելիքյանը խոսել է հանդիպման մասին ու պատասխանել լրագրողների հարցերին․

«Ընդհանուր առմամբ մեր պլանը աշխատում էր։ Վերլուծել էինք մրցակցին։ Մեր համար ոչ մի նորություն չտեսանք։ Պատրաստվել էինք ճիշտ ու գիտեինք ինչի է ընդունակ այս թիմը։ Կարողացել էինք շատ հարցերում հաղթող դուրս գալ։ Ափսոսում եմ, որ այդ 2 պահը, որ մեր տղաները պետք է ավելի շատ բնավորություն ցույց տային մենապայքարի մեջ՝ պարտվեցինք։ Սխեման փոխել էինք, աշխատում էր։ Պաշտպանությունում ճիշտ էին խաղում, հարձակման գծում՝ նույնպես։ Երևաց Սպերցյանի տեղը, երևաց, որ որակի հարց ունենք։ 10-15 հարված կատարեցինք ու բոլորը բարձր։ Շնորհակալ եմ տղաներից, ներողություն եմ խնդրում երկրպագուներից, որ չկարողացանք հաղթել։ Ճիշտ ուղու վրա ենք։ Կարևորն այն է, որ այս տղաների աչքերի մեջ կրակ կա ու մեծ ցանկություն՝ իրենց ազգի համար խաղալու։ Համբերություն, ժամանակ ու աշխատանք է պետք։ Մեծ, շատ մեծ փոփոխություններ են կատարվել, իսկ այդ փոփոխությունները ժամանակ են ուզում։ Տխուր եմ արդյունքից, բայց աշխատանքից գոհ եմ։ Ֆուտբոլիստներ կային, որ 1-ին անգամ էին խաղում։ Ադապտացվել մեծ ֆուտբոլին՝ փորձ չունենալով․․․ես լավատես եմ»։

Մանրամասն տեսանյութում․