Յանիկ Սիները՝ Մայամիի Մասթերսի հաղթող և մի շարք ռեկորդների հեղինակ

ԱՄՆ-ում անցկացվող Մայամիի Մասթերսի եզրափակչում Մեծ Սաղավարտի քառակի չեմպիոն և աշխարհի երկրորդ ռակետ իտալացի թենիսիստ Յաննիկ Սիները 6-4, 6-4 հաշվով առավելության է հասել 22-րդ տեղը զբաղեցնող չեխ Իրժի Լեգեչկայի նկատմամբ:

Խաղը տևել է 1 ժամ 34 րոպե: 

Այսպիսով, Սիները «Արևոտ դուբլ» է ձևակերպել՝ նույն մրցաշրջանում հաղթելով Ինդիան Ուելսում և Մայամիի Մասթերսում։ Այս տիտղոսը նրա կարիերայում 26-րդն էր։

Opta Ace վիճակագրական պորտալի տվյալներով՝ 1985 թվականին Մայամիի Մասթերսի մեկնարկից ի վեր Սինները դարձել է առաջին խաղացողը (տղամարդ կամ կին), որը հաղթել է «Արևոտ Դուբլ»՝ առանց սեթ պարտվելու։ Միաժամանակ, Սիները կրկնել է «Մեծ սաղավարտի» 24-ակի չեմպիոն սերբ Նովակ Ջոկովիչի և «Մեծ սաղավարտի» 22-ակի չեմպիոն իսպանացի Ռաֆայել Նադալի նվաճումները՝ անընդմեջ նվաճելով առնվազն երեք տիտղոս «Մասթերսում»։

Մայամիի մրցաշարի եզրափակչում հաղթելու համար Սինները կստանա 1000 վարկանիշային միավոր և 1.1 միլիոն դոլար։ Երկրորդ տեղի համար Լեգեչկան կստանա 650 վարկանիշային միավոր և 612,000 դոլար։