Ռոնալդուն փորձում է համոզել Կազեմիրոյին միանալ Ալ-Նասրին

Պորտուգալիայի ազգային հավաքականի և «Ալ-Նասրի» հարձակվող Կրիշտիանո Ռոնալդուն փորձել է կիսապաշտպան Կազեմիրոյին համոզել միանալ սաուդյան թիմին, հայտնում է Marca-ն։ Բրազիլացի ֆուտբոլիստն այս ամռանը կհեռանա «Մանչեսթեր Յունայթեդից»։

Աղբյուրի փոխանցմամբ՝ Ռոնալդուն Կազեմիրոյին դիտարկում է որպես «առանցքային տարր, որը թիմին վճռորոշ թափ կհաղորդի՝ բարձրացնելով դրա կարգը»։

Միևնույն ժամանակ ընդգծվում է, որ 34-ամյա կիսապաշտպանի տեղափոխությամբ հետաքրքրված է նաև «Ինտեր Մայամին»։ Ավելին՝ ակումբների միջև բանակցությունները գտնվում են գործնական փուլում։ Վերջերս Կազեմիրոյին նկատել են Մայամիում՝ ենթադրաբար ակումբի ենթակառուցվածքներին ծանոթանալու և ղեկավարության հետ անձնական հանդիպումներ ունենալու նպատակով։

Հիշեցնենք, որ Ռոնալդուն և Կազեմիրոն միասին հանդես են եկել Մադրիդի «Ռեալում» 2013-ից 2018 թվականներին։