Զինչենկոյի կարիերան Այաքսում ավարտվեց 20 րոպե խաղալով
«Մանչեսթեր Սիթիի» ու «Արսենալի» նախկին պաշտպան Ալեքսանդր Զինչենկոյի կարիերան «Այաքսում» ավարտվեց ակումբի կազմում անցկացրած ընդամենը 20 րոպեից հետո:
Զինչենկոն հունվարի վերջին պայմանագիր էր ստորագրել նիդերլանդական գրանդի հետ մինչև ընթացիկ մրցաշրջանի ավարտը, և հասցրել էր խաղալ 14 րոպե «ԱԶ Ալկմարի» դեմ իր նորամուտի խաղում: Այնուհետև, հայտնվելով «Ֆորտունա Սիտարդի» դեմ հանդիպման մեկնարկային կազմում, ուկրաինացին ծնկի վնասվածք է ստացել և փոխարինվել 6-րդ րոպեին:
«Այաքսը» հանդես է եկել պաշտոնական հայտարարությամբ այն մասին, որ Զինչենկոն վիրահատության կարիք ունի և այս մրցաշրջանում այլևս չի խաղա: Քանի որ վերականգնողական փուլն անցնելու է ոչ թե Ամստերդամում, խաղացողը լքել ակումբը:
Հատկանշական է, որ Զինչենկոն այս մրցաշրջանում հանդես է եկել երեք ակումբներում. նախքան «Այաքս» տեղափոխվելը, 29-ամյա ֆուտբոլիստը խաղում էր «Արսենալում», որտեղից վարձավճարով ուղարկվել էր «Նոթինգհեմ Ֆորեսթ»: Հունվարին Նոթինգհեմից Լոնդոն վերադառնալուց հետո Զինչենկոն մեկնեց Նիդերլանդներ, որտեղ ստացավ վնասվածքն ու ավարտեց մրցաշրջանը:
