Անսովոր ուրախություն Ինտերի համար. Մխիթարյանը և մյուսները պատրաստ են խաղալ

«Ինտերի» համար լավ լուրով է սկսվում մրցաշրջանի վերջին ժամանակահատվածը, որում միլանցիները փորձելու են նվաճել Սկուդետոն ու Իտալիայի գավաթը:

Corriere dello Sport-ը հայտնում է, որ թիմի գլխավոր մարզիչ Քրիստիան Կիվուն դրական նորություն է ստացել թիմի բժիշկներից. բոլոր ֆուտբոլիստներն առողջ են և պատրաստ են «Ռոմայի» դեմ ապրիլի 5-ին կայանալիք խաղին: Վերջինն ապաքինվել է Հայաստանի հավաքականի պատմության լավագույն ռմբարկու Հենրիխ Մխիթարյանը:

«Ըստ էության՝ Մխիթարյանը միակն էր, որ վերջին օրերին հասանելի չէր, բայց նա մարզվում է լավ տեմպով, և մարզիչը կարող է Հենրիխին ընդգրկել իր նախկին թիմի՝ «Ռոմայի» դեմ մրցավեճի հայտացուցակում: Կիվուն հույս ունի, որ Մխիթարյանը մեծ ներդրում կունենա մրցաշրջանի եզրափակիչ փուլում՝ նախքան իր ապագայի վերաբերյալ որոշում կայացնելը, հաշվի առնելով, որ նրա պայմանագրի ժամկետն ավարտվում է հունիսի 30-ին», — գրել է իտալական պարբերականը:

Վնասվածքից ապաքինվել է նաև «ներաձուրիի» ռմբարկու Լաուտարո Մարտինեսը, որը չէր խաղում փետրվարի 18-ից:  

Ա Սերիայում «Ինտերն» առաջին տեղում է և 6 միավորով առաջ է «Միլանից» ու 7 միավորով՝ «Նապոլիից»: Իտալիայի գավաթում «Ինտերը» հասել է կիսաեզրափակիչ, որի առաջին խաղում «Կոմոյի» հետ գրանցվել է 0:0 հաշիվը, իսկ պատասխան հանդիպումը կայանալու է Միլանում: