Անհասկանալի է ֆուտբոլիստներին ընկերական խաղերի համար այլ մայրցամաք տանելը․ Պեպ Գվարդիոլա
«Մանչեսթեր Սիթիի» գլխավոր մարզիչ Պեպ Գվարդիոլան դժգոհություն է հայտնել միջազգային հանդիպումների պատճառով ֆուտբոլիստների ծանրաբեռնվածության վերաբերյալ.
«Ես շատ կցանկանայի, որ հաջորդ շաբաթ մենք հանդես գայինք Չեմպիոնների լիգայում և ունենայինք շատ, շատ խիտ գրաֆիկ, բայց, ցավոք, մենք դուրս ենք մնացել պայքարից:
Այդուհանդերձ, մենք կենտրոնացած ենք հաջորդ հանդիպման և «Չելսիի» դեմ խաղի նախապատրաստության վրա, որը կկայանա տևական դադարից հետո: Դա կլինի տիտղոսի համար պայքարը շարունակելու վերջին հնարավորություններից մեկը, թեկուզև՝ նվազագույն շանսերով: Մենք կենտրոնացած ենք դրա վրա:
Սակայն ինձ համար դեռևս դժվար է հասկանալ, թե ինչպես կարելի է խաղացողներին տանել այլ մայրցամաք՝ ընկերական խաղերի համար, երբ դու 8 կամ 9 ամիս շարունակ յուրաքանչյուր երեք օրը մեկ պայքարում ես բոլոր տիտղոսների համար: Երբ խոսքը որակավորման փուլի մասին է, դա լրիվ այլ հարց է, բայց ընկերական հանդիպումնե՞րը: Վնասվածք ստանալու ռիսկը չափազանց մեծ է, դա պարզապես անիմաստ է», — հայտարարել է իսպանացի մասնագետը:
