Ման․ Սիթին խոշոր հաշվով հաղթեց Լիվերպուլին․ Հոլանդը հեթ-տրիկ ձևակերպեց (տեսանյութ)

Անգլիայի գավաթի խաղարկության քառորդ եզրափակիչում «Մանչեսթեր Սիթին» ընդունել էր «Լիվերպուլին» ու հաղթեց 4։0 հաշվով։

Հեթ-տրիկ ձևակերպեց Էրլինգ Հոլանդը՝ 39-րդ, 1-ին կեսին ավելացրած 2-րդ ու 57-րդ րոպեներին։ Մեկ անգամ էլ աչքի ընկավ Անտուան Սեմենյոն՝ 50-րդ րոպեին։

64-րդ րոպեին «Լիվերպուլը» ստացավ 11-մետրանոց հարվածի իրավունք, սակայն Մուհամեդ Սալահի հարվածը հետ մղեց Ջեյմս Տրաֆորդը։

Այսպիսով, «Մանչեսթեր Սիթին» հաղթում է «Լիվերպուլին» մրցաշրջանի 3 խաղերում։ ԱՊԼ-ում Պեպ Գվարդիոլայի ու Առնե Սլոթի 2 դիմակայություններն ավարտվել էին իսպանացու գլխավորած թիմի հաղթանակով (3:0, 2:1):

Կիսաեզրափակիչի մյուս ուղեգրերի համար կպայքարեն «Չելսի»-«Պորտ Վալե», «Սաութհեմփթոն»-«Արսենալ», «Վեստ Հեմ»-«Լիդս» զույգերը։ Կիսաեզրափակիչի վիճակահանությունը տեղի կունենա ապրիլի 5-ին։