Ակրոնը վերջին 5 խաղից 4-ում պարտվել է․ Սևիկյանը Մոսկվայի ԲԿՄԱ-ի դեմ խաղաց 16 րոպե

Ռուսաստանի Պրեմիեր լիգայի 23-րդ տուրում «Ակրոնն» ընդունել էր Մոսկվայի ԲԿՄԱ-ին ու զիջեց 1։2 հաշվով։

Լուչիանո Գոնդուի 5-րդ րոպեին խփած գոլին պատասխանեց Արտյոմ Ձյուբան՝ 60-րդ րոպեին դիպուկ իրացնելով 11-մետրանոցը։ 84-րդ րոպեին Դանիլ Կրուգովոյը խփեց «բանակայինների» հաղթական գոլը, ինչի շնորհիվ մոսկովյան ակումբը վաստակեց 3 միավոր ու 42 միավորով բարձրացավ 5-րդ հորիզոնական։

Հայաստանի ազգային հավաքականի կիսապաշտպան Էդգար Սևիկյանն ընդգրկված էր Տոլյատին ներկայացնող ակումբի հայտացուցակում ու խաղադաշտ մտավ 74-րդ րոպեին՝ փոխարինելով վնասվածք ստացած Մաքսիմ Բոլդիրևին։ ՌՊԼ-ի վերջին 5 խաղում հայ ֆուտբոլիստը ստացել է 45 րոպե խաղաժամանակ։ Այդ խաղերից 4-ում «Ակրոնը» պարտվել է և գրանցել 1 ոչ-ոքի։ Զաուր Տեդևեի գլխավորած թիմը 22 միավորով 11-րդ տեղում է։