Կրասնոդարը խաղավերջում հաղթանակ կորզեց․ Սպերցյանը մասնակցեց հանդիպմանը (տեսանյութ)

Ռուսաստանի Պրեմիեր լիգայի 23-րդ տուրում «Կրասնոդարը» հյուրընկալվել էր «Ախմատին» ու հաղթեց նվազագույն հաշվով։ Հանդիպման միակ գոլը հեղինակեց Ջոն Կորդոբան՝ 86-րդ րոպեին։

Հայաստանի ազգային հավաքականի ավագ Էդուարդ Սպերցյանն ընդգրկված էր հյուրերի մեկնարկային կազմում ու փոխարինվեց 60-րդ րոպեին։

Հիմնական ժամանակին ավելացված 3-րդ րոպեին Իսմայել Սիլվա Լիման ուղիղ կարմիր քարտով հեռացվեց խաղադաշտից՝ «Ախմատին» թողնելով 10 հոգով։ 3 րոպե անց 2-րդ դեղինը ստացավ Ալեքսանդր Չերնիկովը՝ «Կրասնոդարը» ևս մնաց 10 հոգով։

Այս հաղթանակից հետո Մուրադ Մուսաևի գլխավորած թիմը 52 միավորով գլխավորում է մրցաշարային աղյուսակը։ «Ախմատը» 30 միավորով 8-րդն է։