Նոան հաղթեց ԲԿՄԱ-ին (տեսանյութ)

Fastex Պրեմիեր լիգայի 20-րդ տուրում «Նոան» ընդունել էր ԲԿՄԱ-ին ու հաղթեց 2։0 հաշվով։

Հանդիպման հաշիվը 14-րդ րոպեին բացեց Մաթեուս Այասը։ 81-րդ րոպեին էլ Հելդեր Ֆերեյրան դիպուկ իրացրեց 11-մետրանոցը՝ ձևակերպելով վերջնական հաշիվը։

Այս հաղթանակից հետո Սանդրո Պերկովիչի գլխավորած թիմը վաստակում է 35 միավոր՝ բարձրանալով 4-րդ հորիզոնական։ ԲԿՄԱ-ն 15 միավորով 8-րդն է։

Հիշեցնենք, որ տուրի մեկնարկային խաղում «Վանը» կամային հաղթանակի հասավ «Արարատի» նկատմամբ։

19։00-ին կմեկնարկի «Ուրարտու»-«Գանձասար» հանդիպումը։ Վաղը կկայանան «Շիրակ»-«Փյունիկ» (17:00) ու «Արարատ-Արմենիա»-«Ալաշկերտ» (19:00) խաղերը։