Ցրվենա Զվեզդան հերթական հաղթանակը տոնեց․ Նաիր Տիկնիզյանը դարձավ գոլային փոխանցման հեղինակ (տեսանյութ)

Սերբիայի առաջնության 29-րդ տուրում «Ցրվենա Զվեզդան» հյուրընկալվել էր «Ռադնիկին» ու հաղթեց 2։1 հաշվով։

23-րդ րոպեին Տիմի Մաքս Էլշնիկը գրավեց սեփական դարպասը։ 36-րդ րոպեին Ալեքսանդր Կատայը, Նաիր Տիկնիզյանի փոխանցման օգնությամբ, վերականգնեց հաշվի հավասարությունը։ «Ցրվենա Զվեզդայի» հաղթական գոլը հեղինակեց Դուգլաս Օվուսուն՝ 44-րդ րոպեին։

Հայաստանի ազգային հավաքականի պաշտպանն ընդգրկված էր հյուրերի մեկնարկային կազմում ու փոխարինվեց 69-րդ րոպեին։ 21-րդ րոպեին հայ ֆուտբոլիստը զգուշացվեց դեղին քարտով։

Այս հաղթանակի շնորհիվ «Ցրվենա Զվեզդան» 72 միավորով գլխավորում է մրցաշարային աղյուսակը՝ ունենալով 13 միավորի առավելություն 2-րդ տեղով ընթացող «Վոյվոդինայի» նկատմամբ։