Վելոսայի հեթ-տրիկն ու Միշելը գոլը հաղթանակ պարգևեցին Ուրարտուին (տեսանյութ)

Fastex Պրեմիեր լիգայի 20-րդ տուրում «Ուրարտուն» ընդունել էր «Գանձասարին» ու հաղթեց 4։2 հաշվով։

Հանդիպման հաշիվը, անկյունայինի խաղարկումից հետոմ բացեց Անան Մենսահը՝ 10-րդ րոպեին։ 4 րոպե անց Միգել Վելոսան հեռահար հարվածով վերականգնեց հաշվի հավասարությունը։ 27-րդ րոպեին Բրունո Միշելը խփեց «Ուրարտուի» 2-րդ գոլը, իսկ 30-րդ րոպեին Միգել Վելոսան, կրկին ձախ եզրից կատարած գեղեցիկ հարվածով մեծացրեց տանտերերի առավելությունը։

2-րդ կեսի 1-ին գոլը գրանցվեց 76-րդ րոպեին։ Միքայել Միրզոյանի փոխանցումից հետո աչքի ընկավ Միգել Վելոսան՝ ձևակերպելով հեթ-տրիկ։ Խաղավարտից 3 րոպե առաջ Ժոաու Նոբրեգան կրճատեց հաշվի տարբերությունը՝ 4։2․

Այս հաղթանակից հետո Ռոբերտ Արզումանյանի գլխավորած թիմը վաստակեց 39 միավոր ու գլխավորեց մրցաշարային աղյուսակը, սակայն 2 խաղ ավել է անցկացրել 2-րդ տեղով ընթացող «Փյունիկից»։ Կարեն Բարսեղյանի գլխավորած «Գանձասարը» 17 միավորով 7-րդ տեղում է։

Հիշեցնենք, որ տուրի մեկնարկային խաղում «Վանը» կամային հաղթանակ էր տոնել «Արարատի» նկատմամբ, իսկ «Նոան» պարտության էր մատնել ԲԿՄԱ-ին։

Տուրը կավարտվի վաղը կայանալիք «Շիրակ»-«Փյունիկ» (17։00) ու «Արարատ-Արմենիա»-«Ալաշկերտ» խաղերով։