Արսեն Զախարյանը չի կարողացել մեկնել Անգլիա՝ Մանչեսթեր Յունայթեդի հետ խաղին. եղբայրը մանրամասներ է հայտնել

«Ռեալ Սոսյեդադի» կիսապաշտպան Արսեն Զախարյանի եղբայրը՝ Դավիթ Զախարյանը, մանրամասներ է պատմել ֆուտբոլիստի՝ «Մանչեսթեր Յունայթեդի» հետ խաղին Անգլիա մեկնելու հետ կապված խնդիրների մասին։

«Արսենն ու Տրաորեն Փարիզում են և ստանում են իրենց վիզաները։ Ամորին վիզան ստացել է, իսկ Արսենի պարագայում սխալ թույլ տվեցին դեսպանատանը: Բայց այսօր հավանության են սպասում։ Եթե ​​ամեն ինչ արագ լինի, Արսենը Փարիզից կթռչի Մանչեսթեր (մեկուկես ժամ չվերթ): Եթե չհասցնեն, ապա Արսենը կմեկնի Մադրիդ՝ «Ռայոյի» հետ հանդիպմանը։ Սպասում ենք նորությունների։ Առանց խուճապի»,- գրել է Դավիթ Զախարյանը Telegram-ի իր ալիքում։

Ավելի վաղ իսպանական լրատվամիջոցները հայտնել էին, որ «Ռեալ Սոսյեդադը» չարտերային չվերթով մեկնել է Անգլիա, որտեղ հինգշաբթի օրը՝ մարտի 13-ին, ակումբը կխաղա «Մանչեսթեր Յունայթեդի» հետ Եվրոպայի լիգայի 2024/2025 մրցաշրջանի 1/8 եզրափակչի պատասխան խաղում։ Թիմերի միջև առաջին հանդիպումն ավարտվել է ոչ-ոքի (1:1):

Մանչեսթեր ժամանած ինքնաթիռում Արսեն Զախարյանը չէր եղել: