Հունահռոմեական 4 ըմբիշ Մ23 տարեկանների Եվրոպայի առաջնությունում կպայքարի բրոնզե մեդալի համար
Հայաստանի հունահռոմեական ոճի ըմբշամարտի երիտասարդական հավաքականի 4 անդամներ՝ 55 կգ Արայիկ Թոփալյանը, 63 կգ Դավիթ Ջոթյանը, 87 կգ Վիգեն Նազարյանը և 130 կգ Ռազմիկ Քուրդյանը, Ալբանիայի մայրաքաղաք Տիրանայում անցկացվող Մ23 տարեկանների Եվրոպայի առաջնությունում կպայքարեն բրոնզե մեդալների համար:
Նրանք հաղթել են սփոփիչ գոտեմարտերում:
Մեդալի համար գոտեմարտում Արայիկ Թոփալյանն ուժերը կչափի Թուրքիայի ներկայացուցիչ Մեհմեդ Սարփի հետ, Դավիթ Ջոթյանը կգոտեմարտի Վրաստանի ներկայացուցիչ Ռոմեո Բերիձեի հետ, Վիգեն Նազարյանը կմրցի Շվեդիայի ներկայացուցիչ Համզա Սերտջանլիի հետ, իսկ Ռազմիկ Քուրդյանի մրցակիցը կլինի վրացի Սաբա Չիլաշվիլին:
