Ազգային հավաքականի մարզաշապիկը կրելը շատ մեծ պատասխանատվություն ու ուրախության զգացում էր. Կառլեն Հովհաննիսյան (տեսանյութ)

Fastex Պրեմիեր լիգայի «Շիրակ»-«Փյունիկ» (0։1) խաղից հետո «Փյունիկի» կիսապաշտպան Կառլեն Հովհաննիսյանը Sportmedia.am-ի թղթակցի հետ զրույցում խոսել է հանդիպման ու Հայաստանի ազգային հավաքականում նորամուտի մասին․

«Շատ դժվար հանդիպում ստացվեց։ Շիրակը շատ լավ ակումբ է, մենք էլ լավ պատրաստվել էինք ու շատ ուրախ եմ, որ կարողացանք հաղթանակի հասնել։ Գյումրիում միշտ բոլոր թիմերի համար էլ դժվար է, մեր համար այսօր՝ առավել ևս»։

Ազգային ընտրանու կազմում նորամուտի մասին․

«Հայաստանի ազգային հավաքականում իմ 1-ին խաղն էր։ Շատ մեծ պատասխանատվություն ու ուրախության զգացում էր իմ ու ծնողներիս համար»,-նշել է Հովհաննիսյանը։