ՀՊԼ 23-րդ տուրում «Արարատն» այսօր Շենգավիթի «Ջունիոր Սպորտ» մարզադաշտում ընդունել է ԲԿՄԱ-ին և ոչ-ոքի՝ 1:1 հաշվով ավարտել հանդիպումը:
Հանդիպման հաշիվը խաղի 25-րդ րոպեին բացել է տանտերերի կիսապաշտպան Գոռ Լուլուկյանը: 3 րոպե անց ԲԿՄԱ-ի հարձակվող Դավիթ Հակոբյանը հավասարեցրել է հաշիվը:
77-րդ րոպեին բանակայինների կազմում երկրորդ դեղին քարտն է ստացել Արգիշտի Պետրոսյանն ու հեռացվել խաղադաշտից՝ իր թիմին թողնելով 10 հոգով:
Այս հանդիպումից հետո ԲԿՄԱ-ն 22 միավորով զբաղեցնում է ՀՊԼ մրցաշարային աղյուսակի 7-րդ հորիզոնականը: «Արարատը» 19 միավորով շարունակում է գտնվել 9-րդ տեղում:
